Bodomgul

Şahrisabz kaştalari naqşida töpbarggul va turli yelpiğiçsimon yaproq şakllar, gulbarglar körinişidagi ösimlik naqşli kompozitsiyalar asosiy örinni egallaydi. Sözananing xilma-xil ösimliklar va astral mavzudagi naqşlari real tabiat, samoviy jismlarning majoziy körinişi bölib, odamlarning dunyoqaraşi bilan boğliq edi. Ular oilaviy marosimlarda, ayniqsa, töylarda katta ahamiyat kasb etib, baxt tilaklari, unumdorlik ramzi, yoş oilani yomon közlardan asrovçi öziga xos tumor bölib xizmat qilgan.

Şahrisabz kaştalarida keng qöllanuvçi naqşlardan biri – bodomgul deb ataluvçi bodom şaklidagi yirik naqşlar bölib, ular yorqin va töq rangdagi asosiy rang ustiga tikiladi va sözananing bezagiga unutilmas dekorativ ekspressiya taqdim etadi. Bodomgul naqşi xuddi qalampir naqşi kabi apotropeik maʼno kasb etadi, uni ham yangi kelin-kuyovlarni yomon ruhlar va köz tegişidan asraş uçun qöllaşadi. Mahalliy aholining fikriça, yomon ruhlar va alvastilar aççiq, taxir va açiştiruvçi narsalardan qoçadi. Şu boisdan, köpinça kiçik bolalar yovvoyi togʼ bodomi mağizlaridan yasalgan tumorlar taqib qöyişgan.

Manba: tbc-ornaments.uz